Sagwil

ng Batang Mapagmasid

Hindi mo ba naririnig

Nakabibinging hiyaw at daing

Tangkain mo kayang tanggalin

At sa kanila ay ibaling

Upang iyong makita

Ang mga walang makita

Sapagkatl iyong binulag

Sanhi ng kanilang paglabag

Ika’y kanilang tinititigan

Sikapin mo kayang malasin

Hindi ba’t masakit sa mata?

Na mahapdi sa diwa?

Ano iyong ginagawa?

Kundi isawalang bahala

Bumili ng maipagyayabang

Bituka nama’y nahahalang

Puno ka ng kinang sa balat

Ngunit kaluluwa ay salat

Bakuran ay bundok na kalat

Sa puting mapagkunwa sa lahat

Upuan ayaw padapuan

Agawan sa ‘di kalayuan

Ipinipirme sa kaharian

Nakaw pala sa mamamayan

Sa pagkatulog ay mambubulabog

Patalim sayo ay gugulong

Sa kahon ika’y mahuhulog

Suot ang magarang barong

Ihihimlay sa kwadradong rehas

Sila’y muling mangangahas

Kunin pabaon sayong alahas

Para may pambili ng gatas

Mataguyod lang kanyang anak

Sa pamilya mo’y tatarak

Ikaw ang nagbahid ng burak

Sa lahi mong malawak

Be a Fan