Bayang Tulala

pluma ni Batang Mapagmasid





Sa Birtuwal na telong makulay

Taumbayan ‘di nangangalay

Maghapon nang nakatulala

Sa gabi naman walang wala

Sa pagtuntong ng haring araw

Panorama’y nagingibabaw

Aawit ng lupang hinirang

Punong-puno naman ng utang

Saksi sa iba’t ibang istorya

Gawain naman ‘di makuha

Mata at tenga nga’y nabusog

Katawan nama’y ‘di malusog

Wiling-wili sa manloloko

Isipa’y tuluyang binago

Sa magdamag ay nakababad

Kaloob prinsipyong tamad

‘Di bale na siya ay hikahos

Sa kwadrado naman ang buhos

Tatanda ng walang trabaho

Mag-aanak nalang ng bulto

Istasyon niya’y pinagtatanggol

Turing sa kaanak masahol

Salamin ng kanyang tahanan

Repleksyon ng ating lipunan

Mayaman lalong yumayaman

Mahirap lalong nawawalan

Abang bayan natutulala

Maralita ay nangangapa

Marami ang walang trabaho

Marami rin walang tinungo

Dahil maghapong nakatungo

Habambuhay nang nakayuko

Be a Fan