Pasig Ngayo'y Umaapaw

pluma ni Batang Mapagmasid

Walang humpay kanyang pag-ulan

Patak niya’y mula sa kawalan 
Dadaloy sa lalamunang tuyo

Sa bisig ko’y magpapatayo

Sasanib sa pulang malabnaw

Dadaan sa pusong uhaw

Aakyat sa utak na hilaw

Pipintig sa pulsong mababaw

Tubig ay muling magbabalik

Sa pinanggalingang kay hitik

Tungo sa ibig niyang mahangad

Tungo sa ilog na banayad

'Yong ilog na bukal ng buhay

Dahan-dahan mong pinapatay

Sayong paglilinis ng kulay

Kaanak mo’y s’yang kinakatay

Nagsalita na ang panahon

Patuloy ka nang ikakahon

Daanan mo’y kumikipot

Tuntungan mo’y kumikitkit

Sa himbing nang pagkakatulog

Ang diwa mo ay kinakabog

Sa kadilimang mahiwaga

Sa kaliwanaga’y nawawala

Takip silim muling nagsapit

Ikaw ay lalamuning pilit

Sa buhos ng ulang kaylupit

Mga kamay mapapakapit

Lingid sa iyong kaalaman

Buhay na baino s’yang pain

Burak sayo’y maglulubog

Lulunod sa katawang lamog

Ika’y gigisingin sa hinaw

Pakikilusin ko ng ginaw

Duming itinapon ng dugo

Kukulapol s’yong panibugho

Salok ng bayan ay napuno

Lalamunin 'tong bayang ligaw

Ilulubog sanlibong pulo

Pasig ngayon ay umaaapaw

Be a Fan