Perlas ng Silangan

sa pluma ng Batang Mapagmasid

 

Ako’y napatitingin

Tayo ‘tong naghahangad

Sa perlas ng silangan

Nagkalat sa siyudad

Marino’y hinahanap

Sa pusod ng dagat

Ngunit ‘di mahagilap

Nakaangat sa alat

Mula sa kalikasan

Na inukit ng tao

Sa makinang dayuhan

Tungo sa dugong ibayo

Marami ang mayaman

Palasak sa mahirap

Sila’y nag-aagawan

Kanilang nilalasap

Bantog ang batong hiyas

Ngalan ng lahing gilas

Sakit ngayon ng bayan

Kanser ng mamamayan

Akala’y ginintuan

Ang batong balaksila

Patuloy lumalala

Ang h’wad na kayamunan

Be a Fan