Sinong Makapagsasabi

ng Batang Mapagmasid

Sinong makapagsasabi

Na ikaw ay natutulog

Sinong makapagsasantabi

Na ikaw ay nahuhulog

Sinong makapanghuhusga

Na ika’y nanahimik

Sinong magwawalang bahala

Nang puso mong nanabik

Muling ika’y susuungin

Nang mapagbantang lipunan

Muli kang hahagupitin

Yaong latigong laruan

Ikaw ay masusugatan

Ng pamalong walang talim

Pisngi ay mababahiran

Peklat sa mukhang kay lalim

Paningin mo’y ipipiring

Bukana ay bubusalan

Upang hindi makadaing

Mahayag tigib ng damdamin

Maririning kanilang huni

Himig sa plakang nagkukubli

Ang kanilang mga yabag

Sayo’y nagpapabagabag

Lipi mo’y makaaalpas

Sa rehas na kalawangin

Hanapin ang butas at hangin

 ‘Pang ikaw ay makalabas

Ngunit sila’y nakaabang

May matang nakapananakit

Katawang puno ng peklat

Ninanais kang mapabilang

Sa huwad na entablado

Pagkatao mo’y ikikiling

Prinsipyong ipaglalaho

Sabihing ika’y nahihimbing

Be a Fan